Psa 98 | TVK | STEP | !Kikei ni sisien tova xa be neta hu mi Iahova! !Xi tepol ni holesok xil xa bos pupu! Xi tasen mili sein mosav xil nggo xeihen eo nan.

Psalms 98

Iahova be Suv Toto te Ut Etan

1 !Kikei ni sisien tova xa be neta hu mi Iahova!
!Xi tepol ni holesok xil xa bos pupu!
Xi tasen mili sein mosav xil
nggo xeihen eo nan.
2 Xi bit rati xa xeihen nan mili mosav xil,
xi pol ni ut xil ngasen lakila.
3 Xi en tabong ni eheien nan ti mi mol-Isrel xil,
e vehakut di pol vuol ni hitxatien xil nan.
Moletin xil ngasen te ut xil vus lapusi
xa xeihen na Hi nar mili mosav xil.

4 Moletin xil ngasen te ut etan,
mukikei itel memaalen mi Iahova.
Mumesi itel sisien e itel meunen te memaalen.
5 Mukikei itel sisien te memesien mi Hi.
Muhas kitar!
6 Muhui amaru!
Mumeun ve memaalen mi Iahova, xa be suv toto nar.

7 !Tas, urum mi Hi,
xouk itel holesok xil xa di xouk!
!Tan, ukikei mi Iahova,
xouk itel holesok xil xa meul di xouk!
8 Oei, uvang!
Hu xil, mukikei itel memaalen e pe met Hi.
9 Holesok xil ngasen, mupol ni imak
vengan xa Iahova bemei be Suv Toto te ut etan.
Xi ilepis moletin xil ngasen
itel momalen e reitinen.